COVID-19（新型コロナウィルス）世界連帯マニフェスト

COVID-19（新型コロナウィルス）うかーさなてぃ、世界にたなびちゅるとぅ暴力ぬかしーかしー けーてぃいちゅる必要あいびーん。わったー世界ぬちぬちゃーや、くぬ歴史的瞬間ゐーばすとぅっし考げーてぃいちゅん。わったーや、どぅーしまをぅてぃん、国をぅてぃん、世界をぅてぃん、まーうてぃん繋がてぃいちゃびーん。人とぅ人とぅぬ間取てぃいちゃびーしが、しんかぬちゃーとぅ、しまんちゅとぅ、たげーに力あーちゐーまーるっし社会運動作てぃいちゃびーん。なま、わったーや、わったーがる世界ちゅくゆんどー、わったーげーてぃちゃる世界ぬしーよーあいびーんどーんでぃ言ち、世ぬ仕組むたみなかいマニュフェストうんぬきやびら。

１. わったやー心強さる国民皆保険制度とぅ、うまんちゅぬ基本的権利とぅっしぬ医療保険求みやびーん。

2. わったーや、なま起くとーる いっそーじーちやむるくんでぃてぃねーんないるくとぅ求みやびーん。うれー、外国軍事基地ぬ閉鎖、軍事演習ぬ中止、核兵器ぬ廃絶ん入っちょーいびーん。わったーや世界ぬや軍事費ぬなーうまんちゅぬ医療保険、住居、保育、栄養、教育、インターネット接続んでぃる社会的ニーズぬたみなかい使わりーるくとぅ求みやびーん。くんぐとーっし、うまんちゅぬ、体んんらしんしかっとぅ守てぃいかりーん。

3. わったーや、なまぬ持続可能性ねーなとーる「際限のない成長」んかいまやーさっとーる資本主義経済ゆか、人間や生物ぬ、あんしから天然資資源ん、最低所得ん守らりーる、心うちゃーち ちゅいたれーだれーげーに補なてぃ作いる経済んかいけーてぃいちゅるくとぅ求みやびーん。くぬぐとぅっし なー国々力あーち、気候変動とぅか生物ぬ取いーるうとぅるさむんとぅ戦しぇーないびーん。

4. わったーや、あまくまぬんかいかかとーる制裁ぬ即時撤廃求みやびーん。制裁やあわりそーるちぬちゃーふぃんすー暮らしなすん、 薬んとぅめーらんなてぃ けーまーちゃるんういびーん。

5. わったーや、労働者やむるコロナウイルスから守むらーに、衛生管理いちたゆる労働環境とぅか、収入とぅ働ちゅる環境ん長期的に守らりーるくとぅ求みやびーん。

6. わったーや、うまんちゅがまたさる保護受きらりーるくとぅ求みやびーん。をぃなぐわらびとぅか、パートナーから暴力受きらとーるちぬちゃー、暴力受きらとーるわらびんちゃー、うとぅすいぬちゃー、ふぃんすー暮らしそーるちぬちゃー、囚人ん抑留者ん難民ん、うぬ他ぬ避難民とぅか在留許可書むちょーる移民ぬちゃー、持てーうらん移民ぬちゃー、ホームレス、LGCTQIA+ぬちゃー、人種的・民族的少数者、先住民族、障がい者、能力的かかいさーらちぬあんちぬちゃー、くんぐとぅーっしそーるちぬちゃーやむるしきらりるあいびーん。

7. わったーや、うぇーきーぬがるうぬ義務とぅどぅーわちゃれーっしなゆるくとぅ求みやびーん。うぇーきーなとーる国ぬ歴史や、国内外ぬ植民地主義、新植民地主義、うぬ他ぬでー搾取そーたる歴史やいびーん。くぬ歴史や公衆衛生制度持ちょーねーんうほーくぬぬ誕生とぅ繋がとーいびーん。くんぐとーる国々ぬ命守むいるたみなかい、(WHO・世界保健機構ぬ関与とぅか)医療援助とぅ債務救済うさぎーるくとぅ求みやびーん。

8. わったーや、政府とぅか企業がうまんちゅぬ情報尊重さびーるくとぅ求みやびーん。くぬコロナぬぬ、感染利用っし監視とぅか、裁判さんれー拘留すんとぅか、集会ぬ自由とぅか表現ぬ自由、自己決定権、投票権でぃる基本的人権とぅみてぃ弾圧すんでぃーるくとぅねーんくとぅんじゅんじゅーとぅ求みやびーん。

9. わったーや政府が経済ぬ刺激策導入すんでぃる時や、経済活動再開すんでぃる時、財界、金融業界ぬエリートぬちゃーぬ利益ゆか、うまんちゅいったむのーぬーやいびーがやーんでぃ先げーるくとぅ求みやびーん。

世界ぬまーうてぃん、ふぃんすーとぅうぇーきーぬ差ーやまぎまぎーなてぃ、1%びけーぬうぇーきんちゅがる69億ぬちぬちゃーぬ2倍あめーぬ富持っちょーいびーん。地球規模ぬ、またん国ぬん両方ぬとぅ配分にちーてぃ、急じ考げーてぃいかねーないびらん。くぬ地球をぅてぃ暮らちょーるうまんちゅや、ふぃんすー暮らし、搾取、支配んでぃる肝苦りさる哀りとぅ無縁なてぃ、体がんじゅーっし、ちゅくいむじゅくいっし、うぃーりきさる暮らしがたないるびちやびーん。

https://www.covidglobalsolidarity.org/